FERREUS Annulus

FERREUS Annulus

antiquissimo in usu apud Romanos. Primis enim eius Reip. temporibus, ne Senatori quidem ius erat aureum gestare; sed his tantum, qui Legati ad exteras gentes ituri essent, annuli ex auro dabantur, Credo, dicente Plin. quoniam ita exteris honoratissimi intellig ebantur. Atqueve hi ipsi, Legatione perfuncti annulo publice accepto non nisi in publico utebantur, intra domos ferreis contenti, teste eodem l. 32. c. 1. Imo et, cum non Senatores solum, verum etiam Equites aureos annulos paulatim usurparent; fuisse tamen menoriâ Avorum etiam inter Senatores, qui Praetura quoque functi in ferro consenuerint, tradit idem Plin. qui quoqueve, Divo Augusto decurias ordinante, maiorem partem Iudicum in ferreo annulo fuisse, auctor est. Sed et ipsi Triumphantes retinuêrunt priscae simplicitatis vestigia. Nam ferreo annulo usos fuisse Imp. Romanos, cum curru aureo gemmisque magnifice ornato de hostibus victis triumphantes in Capitolium inveherentur, idem saepius iam laudarus Auctor refert d. l. Quod tamen fiebat, praeter communem morem, et ad retundendam victoris arrogantiam: Alias enim Senatoribus primum; exin Equitibus, aurei annuli fuisse ius, notum est, vide Ioh. Kirchmann. de Ann. c. 15. Quorum usu increbrescente, ferrum inter servos haesit: Quamquam fuêre, qui novitio quodam invento aurum ferro superinducerent, vel etiam merum purumqueve aurum decolorarent, et in ferri speciem deformarent; sic aurum gestantes, ut gestare ferrum crederentur. Ita enim recte interpretatur Lipf. verba Plin. servorum fraudem et occultam in annulis superbiam perstringentis: Nec non et servitia iam ferrum auro cingunt; alii per sese mero auro decolorant. Annulum autem hunc servis ad usum potius, nempe ad signandum, quam ad ornatum, fuisse, refert Apuleius l. 10. Donec iussu Magistratuum ministeria publica contrectatis nequissimi servi manibus annulum ferreum deprehensum cum signo sacculi conferunt etc.